Nomzodlarga qo'yiladigon talablar
Ishga qabul qilish chog'ida ishga kirayotgan shaxs quyidagi xujjatlarni taqdim etadi:
- Pasport yoki uning oʼrnini bosuvchi hujjat yoxud identifikatsiyalovchi ID karta (16 yoshgacha boʼlgan shaxslar esa tugʼilganlik toʼgʼrisidagi guvohnoma yoki identifikatsiyalovchi ID karta)
- Oxirgi ish joyi boʼyicha tasdiqlangan qogʼoz shaklidagi mehnat daftarchasi yoki elektron mehnat daftarchasidan koʼchirma (bundan birinchi marta ishga kirayotgan shaxslar mustasno).
- Oʼrindoshlik asosida ishga kirayotganlar mehnat daftarchasi oʼrniga asosiy ish joyidan maʼlumotnoma;
- Harbiy xizmatga majburlar yoki chaqiriluvchilar uchun tegishincha harbiy guvohnoma yoki harbiy hisobda turganlik haqidagi guvohnoma;
- Oliy yoki oʼrta maxsus, kasb-hunar taʼlim tashkilotini tamomlaganligi toʼgʼrisidagi diplom;
- Qaysi ishni bajarish uchun faqat maxsus maʼlumotga yoki maxsus tayyorgarlikka ega boʼlgan shaxslar qoʼyilishi mumkin boʼlsa, oʼsha ishga kirish chogʼida ushbu ishni bajarish huquqiga doir guvohnoma (sertifikat) yoxud boshqa tegishli hujjat
- Soliq toʼlovchining identifikatsiya raqami (STIR);
- Jismoniy shaxsning shaxsiy identifikatsiya raqami (JShShIR);
- Jamgʼarib boriladigan pensiya daftarchasi, birinchi marta ishga kirayotgan shaxslar bundan mustasno.
Ishga qabul qilish chog‘ida ishga kirayotgan shaxsdan ushbu Kodeksda, shuningdek boshqa qonunchilik hujjatlarida nazarda tutilmagan hujjatlarni talab qilish taqiqlanadi va ma'muriy javobgarlikka sabab bo'ladi